Ապրում եմ հորինված գրքային աշխարհներում։ Դրանց բոլոր կերպարները բաժանվում են ասպետների ու սրիկաների։ Սրիկաներին հեշտ է ճանաչել՝ խիստ դեմքից, կատաղի հայացքից ու մռայլ հագուստից։ Իսկ իրական աշխարհում, պարզվում է, սրիկան կարող է բաց գույնի վերնաշապիկ հագնել ու մեղմ ժպտալ։

Մանկաբարձական ագրեսիան ֆիզիկական կամ հոգեբանական բռնություն է, որը կիրառվում է կնոջ հանդեպ ծննդաբերության ժամանակ։ Շատ կանայք չգիտեն, որ խախտվում են իրենց իրավունքները, ինչպես չգիտեն այդ մասին շատ գինեկոլոգներ և մանկաբարձեր։